PRið enn að gleymast

Menn virðast seint ætla að læra.  Af orðum fjármálaráðherra að dæma á að láta það ráðast, sjá til, hvernig erlenda pressan handerar niðurstöðurnar og túlkar.  Það virðist ekki eiga að hafa frumkvæði að því að stýra umræðunni eins og kostur er og efni standa til. 

Orð Steingríms á blaðamannafundi fyrr í dag eru þess eðlis að leikplanið ,,því verra því betra" virðist enn vera uppi á borðum.

 Hér er línan frá fjármálaráðherra: 

„Og það skiptir miklu máli fyrir landið að þau verði ekki oftúlkuð (innsk: úrslit þjóðaratkvæðagreiðslu verði niðurstaðan NEI). Það er auðvitað mjög hættulegt fyrir okkur ef að þetta verður lagt upp þannig, og fer út um heiminn, að með þessu sé Ísland alfarið að hafna því að leysa þetta mál eða axla ábyrgð. Það eru ekki þau skilaboð sem við þurfum á að halda heldur þvert á móti að þetta breyti engu um vilja og ásetning íslenskra stjórnvalda til þess að reyna að vinna að lausn þessa máls á ábyrgum forsendum. Allt annað er landinu stórhættulegt," segir Steingrímur.

Hlé gert á Icesave-viðræðum

Lýðræðissinni skák og mát.

Hann er alveg skák og mát lýðræðissinnin Steingrímur J. Sigfússon.  Bunan hefur staðið upp úr honum árum saman um mikilvægi aukinnar aðkomu almennings að ákvörðunum, þjóðaratkvæðagreiðslur og annað í þá veruna. 

Nú hentar þetta honum allt í einu ekki vegna persónulegra pólitískra hagsmuna og þá skal sitja heima.  Framganga hans gagnvart þjóðaratkvæðagreiðslunni er yfirgengileg og eina ferðina enn er hann vísvitandi að vinna gegn hagsmunum Íslands.  Erlendir blaðamenn eru víst alveg furðu lostnir og skilja ekkert í framgöngu mannsins.

Enn eina ferðina segir fjármálaráðherra að við höfum ekki efni á að bíða með að semja.  Hverslags samningatækni er þetta eiginlega?  Það er hverjum manni ljóst að á öllum stigum málsins hefur tíminn unnið með hagsmunum íslenskrar þjóðar.

Við þurfum ekki andstæðinga á meðan við höfum fyrirsvarsmenn eins og Steingrím.

Steingrímur: Ólíklegt að ég kjósi

Ráðherrann sem enginn kaus

Það jaðrar við að vera sársaukafullt að horfa á Gylfa Magnússon, svokallaðan ,,faglega skipaðan ráðherra", sem kjósendur fá sennilega aldrei tækifæri til að taka afstöðu til í kosningum, beita sér með þessum hætti í þeim óþveraleik ríkisstjórnarinnar að tala niður þjóðaratkvæðagreiðslu um Icesave nauðungarlögin. 

Maðurinn sem hélt innblásna ræðu forðum á Austurvelli er orðin svo djúpt sokkinn í pólitískan spunavef ríkisstjórnarinnar að það styttist væntanlega í að hann hverfi af hinu pólitíska sviði, enda hvorki hægt að halda því fram að hann sé hlutlaus né heldur faglegur um nokkurn hlut þessa dagana.

Samningarnir geta reynst dýrari en Icesave-skuldin

Spurning til forsætisráðherra:

Ef Icesave 2 lögin eru þegar orðin úrelt og við erum þegar með í hendi hagstæðari lausn sem nemur sjötíu milljörðum króna í greiðslubyrði, hvers vegna er ekki búið að fella Icesave 2 lögin úr gildi og þar með fella niður þjóðaratkvæðagreiðsluna?

Koma svo fjölmiðlungar!

 

 

 

Jóhanna ætlar ekki á kjörstað